42. SKOPJE JAZZ FESTIVAL
ZLATKO KAUCIC / BARRY GUY / AGUSTI FERNANDEZ / GARD NILSSEN’S SUPERSONIC ORCHESTRA
ZLATKO KAUCIC / BARRY GUY / AGUSTI FERNANDEZ
Zlatko Kaucic – тапани
Barry Guy - контрабас
Agusti Fernandez – пијано
Словенечката џез-икона Златко Каучич годинава го прослави својот 70-ти роденден. Тој е плоден композитор, тапанар и уметник во слободен стил. Неговото дело ги пробива бариерите на конвенционалните мисловни процеси. Каучич покажува колку го усовршил својот занает и продолжува да го контемплира светот околу себе од еден надреален агол. Бери Гај е иновативен басист и композитор чијашто креативна разновидност во областа на џез импровизацијата, камерната и оркестарската изведба, како и соло рециталите, е резултат и на невообичаено разноличните искуства и страста за експериментирање, поткрепени со посветеност на контрабасот и идеалот за музичка комуникација. Тој е основач и уметнички директор на London Jazz Composers Orchestra и на BGNO (Barry Guy New Orchestra). Агусти Фернандез, со совршено изградена кариера и широка и заслужена меѓународна репутација, е еден од ретките шпански музичари со висок интернационален рејтинг и светска референца во областа на импровизираната музика. Фернандез има работено со татковците на слободната импров сцена: Петер Ковалд, Дерек Бејли, Еван Паркер, Бери Гај, а соработува и со музичари како Златко Каучич, Матс Густафсон, Џо Морис и Питер Еванс. Каучич, Гај и Фернандез се три нови музички икони, мајстори на импровизацијата и рафинираната композиција кои остварија силна музичка врска уште пред да се сретнат.
GARD NILSSEN’S SUPERSONIC ORCHESTRA
Eirik Hegdal – саксофони
Per ”Texas” Johansson - саксофони
Fredrik Ljungkvist – саксофони
Mette Rasmussen – саксофон
Maciej Obara – саксофон
André Roligheten – саксофони
Signe Emmeluth Krunderup – саксофон
Thomas Johansson – труба
Goran Kajfes – труба
Erik Johannessen – тромбон
Guro Kvåle – тромбон
Torbjørn Zetterberg - контрабас
Ole Morten Vågan - контрабас
Ingebrigt Håker Flaten - контрабас
Håkon Mjåset Johansen – тапани
Hans Hulbækmo – тапани
Gard Nilssen – тапани
Гард Нилсен е норвешки тапанар, композитор, продуцент и лидер на бенд кој живее во Осло. Тој е еден од најбараните и најактивните тапанари на европската џез сцена денес, кој минува околу 200 дена во годината во патувања низ целиот свет со своите бендови Gard Nilssen Acoustic Unity, Bushman's Revenge, sPacemonKey, Amgala Temple, Ruby и Gard Nilssen’s Supersonic Orchestra. Нилсен потекнува од семејство на перкусионисти, па изборот на тој инструмент беше очекуван. Неговото свирење се опишува како енергично, креативно, музикално, груви, бестрашно и динамично. Свирел и бил на турнеи со Бил Фризел, Пет Метини, Томаш Станко, Џошуа Редман, Амброуз Акинмусире, Крис Потер, Џанго Бејтс, Буге Веселтофт, Стиан Вестерхус, Томас Морган и Мајк Стерн, меѓу другите. Неговиот Supersonic Orchestra е несомнено спектакуларен. Тоа е, всушност, неговиот оркестар од соништата, основан во 2019 година, кога Нилсен беше „artist in residence“ на фестивалот Molde Jazz. Нема потреба да се трошат зборови за музичарите, освен фактот дека сите посебно се силни лидери на бендови и импровизатори од светска класа. Музиката е енергична, сугестивна, динамична, креативна и експлозивна, инспирирана од Орнет Колман, Фела Кути, Сан Ра, Алис Колтрејн, Дјук Елингтон, Луис Мохоло и Кертис Мејфилд, со многу простор и место за секој музичар да учествува со својот сопствен израз. Слободна музика, полна со децибели, а сепак мелодична и експресивна.