ZLATKO KAUČIČ KOMBO BC Bravery of the Brave (SI)
ZLATKO KAUČIČ уметнички директор
JURE BORŠIČ саксофон
IVAN PILAT саксофон
FRANCESCO IVONE труба
JAN JARNI електрична гитара
JANTON LORENZUTTI електрична гитара
TIMI VREMEC електричен бас
ŽIGA IPAVEC тапани и перкусија
TOMI NOVAK тапани, синтисајзер, семплер, перкусии
ROBI ERZETIČ тапани
Прочуениот словенечки перкусионист, тапанар и композитор Златко Каучич е познат по своите бројни албуми (повеќе од шеесет), како и по составите со кои настапувал со светски познати музичари како Стив Лејси, Александар Баланеску, Еван Паркер, Петер Броцман, Пол Блеј, Кени Вилер, Аб Барс, Пол Мекендлес, Бери Гај, Аугусти Фернандез, и многу други. Bravery of the Brave („Храброста на храбрите“) е негов музички проект посветен на луѓето кои, и покрај пречките, покажуваат извонредна волја и сила да се спротивстават и да истраат. Златко Каучич ја презема улогата на композитор, уметнички директор и диригент на ансамбл, во кој настапуваат негови поранешни студенти, како и реномирани италијански гости. Станува збор за општествено и политички мотивирана музичка суита, посветена на борците, поединците и групите кои не се откажуваат и се борат за доброто на заедницата. Ова е политичка музика, но не само затоа што изразува припадности и разлики, туку и затоа што предлага општествена, заедничка и партиципативна практика. Суитата беше изведена и делумно снимена во октомври 2021 година, на италијанскиот фестивал Jazz & Wine of Peace, во периодот на еден од најтешките моменти на политичката, епидемиолошката и општествената криза. Албумот доби највисоки можни оценки. Во 2024 година, во светло на неодамнешните настани, проектот беше обновен под наслов („Bravery of the Brave: Free Palestine“), а концертите продолжуваат и во наредните години.
LEONHARD SKORUPA NEW QUISPEL OCTET (AT, DE, US, MK)
LEONHARD SKORUPA тенор саксофон, кларинет, композиција
MICHAEL MOORE алто саксофон, кларинет
ROBERT LANDFERMANN бас
MICHAEL VATCHER тапани
ASJA VALCIC виолончело
BOJAN TALEVSKI виола
BOZIDAR PEIČ виолончело
GJORGJI PETRUSHEVSKI обоа
Тенор-саксофонистот, кларинетист и композитор Леонхард Скорупа, со седиште во Виена, е вистински шегаџија кој не поставува никакви граници во својата имагинација. Веројатно со цел да создаде конкретен терен за својата потреба да се движи по стилска жица. Самото набројување на неговите музички „градилишта“ е доволно за да се добие претстава за космосот на Скорупа. Како лидер или ко-лидер, овој музичар ги предводел оригиналните и добро познати проекти како што се Sketchbook Orchestra, Sketchbook Quartet, Skorupa 5 и други возбудливи ансамбли од сферата на џезот и импровизираната музика. Студирал кај Клаус Дикбауер и Мајкл Мур, а досега има објавено повеќе од 25 снимки. Во 2024 година, Скорупа го формира Quispel Quintet, составен од врвни музичари. Нивните авантуристички композиции и импровизации следат непредвидливо драматуршко движење — патека што се провлекува низ пејзажите на кул-џезот и длабочините на авангардната камерна музика. Она што го создаваат понекогаш е суптилно и префинето, а понекогаш диво опојно. Албум на Quispel Quintet, можеби соодветно, е наречен „Dipsomania“ — стар термин кој означува ненаситна желба за алкохол и дрога. Тој наиде на широко распространето признание од критиката. За отворањето на 45. Скопски џез фестивал, Скорупа е ангажиран да компонира ново музичко дело, при што својот базичен Quispel Quintet ќе го прошири со тројца македонски музичари.