29 декември 2025 20:00 Македонска филхармонија
МАГИЧНО ПРЕДНОВОГОДИШНО МУЗИЧКО ПАТУВАЊЕ НА SARAH MACE & THE GIRLZZ И БОЖИЌНИОТ ОРКЕСТАР под палката на Иван Еминовиќ
На 29 декември, женскиот вокален квартет на Sarah Mace, Ана Петановска, Калина Велковска – Кали и Теа Богатинова, заедно со Божиќниот оркестар предводен од маестро Иван Еминовиќ, ќе го претворат во санка секое седиште во Македонскта Филхармонија и ќе ве однесат на безвременско музичко патување до Лапонија и назад.
Низ магичната патека ќе одѕвонуваат аранжмани за оркестар и женски квартет, на најпопуларните Божиќни песни во светот, како “Jingle Bells”, “Santa Claus is comin to town”, “Deck the halls”, “All I want for Christmas”, “God Rest Ye Merry Gentlemen”, “Carol of the Bells”,
и многу други.
А токму кога ќе помислите дека патувањето не може да стане уште повеќе бајковито – пазете се! Магијата ќе се отвори уште еднаш, со мали и големи изненадувања што ќе се појават како од најскриен џеб на Дедо Мраз.
Не пропуштајте го ова волшебно патување, кое ќе се вреже длабоко во секое сеќавање и ќе им пружи уживање на сите сетила.