SANTROFI

SANTROFI

Bernard Gyamfi - тромбон

Dominic Quarchie – гитара, вокал

Prince Larbi – тапани, вокал

Robert Koomson –водечки вокал, дондо, гитара  

Emmanuel Boakye Agyeman – клавијатури, вокал, традиционален танчар

Nobert Wonkyi Arthur - труба, шекере

Emmanuel Kwadwo Ofori – лидер, бас, вокал

Emmanuel Kuntu-Blankson - перкусии

Anthony Kobina Yeboah – вокал

www.facebook.com/santrofimusic

Дури и без издаден албум, тие веќе го потпалија светот полудувајќи ја публиката низ цела Европа со својата летна турнеја во 2019-та, вклучувајќи ги фестивалите Sines (Португалија), WOMAD (Велика Британија), Roskilde (Данска) и WOMEX (Финска). На овој млад деветчлен олстар бенд од Гана не му недостигаат талентирани музичари и енергија на сцената. Нивниот деби-албум “Alewa” испорачува - директно од улиците на Акра - нов бран свеж highlife звук вкоренет во минатото но со поглед кон иднината. Групата Santrofi, формиранa од басистот и продуцент Емануел Офори, кој „се хранеше од изворот“ настапувајќи со Ебо Тејлор и Пет Томас, е длабоко инспирирана од highlife музиката на Гана во сите нејзини облици. Влијанијата се движат од возбудливиот, динамичен, гитарски, денс-ориентиран highlife од 70-тите, преку различните етно форми на highlife фанкот, па сè до полиритмичните битови и мелодии со кои популарниот afrobeat го инфицираше целиот свет. На сцената, тие ја уриваат секоја можност за хиерархија: музичарите ги менуваат своите улоги, растејќи со развивање на талентот на другиот и усогласувајќи се како целина. Заедно, тие имаат моќ да збришат сè пред себе. А ова е само почеток.