РИТA – ГАЕТАНО ДОНИЦЕТИ
Комична опера во еден чин по либрето на Густаво Ваез.
Пра изведбата на операта е во Париз 07.05.1860
Работен наслов „Двајца мажи и една жена“
Диригент: Андреј Наунов
Режисер: Трајко Јордановски
Сценограф/Костимограф: Марија Ветеровска
Концертмајстор:
Светло мајстор: Васко Лисичов
Корепетитор: Елена Сиљаноска, Јанинка Невчева, Андреја Наунов
УЛОГИ:
Рита:Александра Лазаревска Василевски
Бепе:Јане Дунимаглоски
Гаспаро:Кристијан Антовски
Бартоло: Борко Биџовски
Синопсис:
Дејството се случува во Бергамо, Италија. Рита е сопственичка на преноќиште и вдовица на Гаспаро, сопруг кој ја малтретирал и според нејзино сознание настрадал во бродолом.
Во меѓувреме Рита го запознава Бепе, човек кој многу и помогнал во гаснењето на пожарот во нејзината куќа и се мажи за него. Новиот сопруг е сосема различен од поранешниот, Гаспаро. Рита, поттикната од претходното искуство, се наметнува во новиот брак, па дури и го малтретира Бепе, на ист начин како што ја малтретирал Гаспаро.
Одненадеж се појавува Гаспаро, кој го преживеал бродоломот и сега живее во Канада каде што се стекнал со големо богатство. Тој се вратил во Бергамо за да добие потврда дека Рита не е жива за да може да склопи брак со вереницата во Канада. Гаспаро доаѓа во преноќиштето на Рита и го наоѓа Бепе.
Во меѓусебниот разговор, Гаспаро го учи Бепе како да се однесува со жените, но при покажување на личната карта на Гаспаро, Бепе сфаќа дека тој е ,,починатиот,, сопруг на Рита. Го моли да му помогне да се ослододи од малтретирањето на Рита. Единствената цел на Гаспаро е да го добие документорт дека бракот со Рита не важи и применува трик за реализација на својата идеја. Се случува дуел помеѓу Гаспаро и Бепе, а победникот треба да живее со Рита. Но Рита и Бепе ја откриваат измамата. Гаспаро го добива бараниот документ, а Рита и Бепе продолжуваат да живеат во среќен брак, зашто Рита му ветува на Бепе дека нема повеќе да го малтретира.
*времетраење на претставата 75 минути