RАÜL REFREE & MARIA MAZZOTTA
5 ЈУНИ • Национална опера и балет • 20:00
RAÜL REFREE – гитара, вокал, органа
MARIA MAZZOTTA – вокал, дајре
Раул Рефри е познат по својата способност да ги надмине традиционалните жанровски граници и како еден од најиновативните продуценти во Европа во последната деценија. Неговата музика, храбро поттикната од неговото огромно познавање на музичките традиции, го постави во центарот на некои навистина значајни соработки, кои вклучуваат музичари со силна индивидуалност како Розалија, Силвија Перез Круз, Лина, Росио Маркез, Нињо де Елче, Родриго Куевас и многу други. Овие соработки резултираа со критички признати албуми кои ги поместуваат уметничките граници. Марија Мазота е еден од најважните гласови на музичката сцена во регионот Апулија во Италија. Длабокиот и бескомпромисен начин на кој настапува е и редок и драгоцен, правејќи ја Марија Мазота една од најблескавите пејачки на глобалната светска музичка сцена. Овој проект се случи постепено, поттикнат од предлози на значајни фестивали и без притисок на обврска за снимање. Нивната соработка вроди со плод во албумот „San Paolo di Galatina“, каде Раул Рефри и Марија Мазота го ре-интерпретираат апулијскиот фолклор, прикажувајќи ја Италија од почетокот на 20 век (религиозни мантри, работнички песни, приспивни песни), со цел да се излезе од темнината и општествената задушеност и да се достигне физичка слобода и чувство на заедништво толку посакувано во нашето време.
https://www.raulrefree.com/
https://www.mariamazzotta.com/
LES AMAZONES D’AFRIQUE
5 ЈУНИ • Национална опера и балет • 22:00
MAMANI KEITA – вокал
FAFA RUFFINO – вокал
ALVIE BITEMO – вокал
XAVIER PERNET – тапани
MANUEL CHAVANET – клавијатури
Les Amazones d’Afrique е креативна сила што ги обединува меѓународните гласови. Групата е формирана во Бамако, Мали, во 2014 година од три познати малиски музички ѕвезди и активистки за општествени промени: Мамани Кеита, Оуму Сангаре и Мириам Думбиа (од Amadou and Mariam). Овој женски колектив се соедини преку заедничка музичка визија, но и со јасна цел: да се залага за родова еднаквост и да го насочи вниманието кон сериозниот проблем на насилството врз жените. Името го добиле од Амазонките од Дахомеј, женските воини кои 200 години го штителе кралството Дахомеј (денешен Бенин). Колективот подоцна се проширил и вклучил многу женски уметници од Африка и дијаспората, вклучувајќи ги Анжелик Киджо, Нека и Рокиа Коне. Иако нивната цел — промовирање родова еднаквост и искоренување на традиционалното насилство – сама по себе е доволно значајна, нивниот музички израз е подеднакво моќен. Богат со мелодии и стилски разновиден, тој спојува пан- африкански звуци и колективни хармонии со суров, современ поп. Користејќи ја музиката како форма на кампања за родова еднаквост, Les Amazones d’Afrique настапувале на бројни големи фестивали и сцени низ светот. Со три албуми зад себе, нивната силна енергија и препознатливото присуство, се вбројуваат меѓу најважните гласови на современиот западноафрикански феминизам.
https://lesamazonesdafrique.com/