Прв самостоен концерт на Благој Ламњов во Македонија
Во овој интимен концертен амбиент, македонско-шведскиот кларинетист Благој Ламњов ( Blago J) ги поместува границите на инструментот кларинет, мешајќи го Македонскиот фолклор со сензитивноста на западната класична музика. Под влијание на двата музички жанра, зачинет со префинета сензитивност, музичкиот стил на Благој ќе ви понуди концертно доживување полно со емоции, една подлабока средба со кларинетот, како и поблиска музичка слика за Македонија, создавајќи мост помеѓу стариот и модерниот свет.
На сцената:
Благој Ламњов, кларинет.
Петер Тегнер (од Шведска), гитара.
Очекувајте и мали изненадувања со гости.