Националниот џез оркестар со Dan Pugach: современ њујоршки џез во Скопје!
Специјални гости: Nicole Zuraitis (вокал) и Jonathan Saraga (труба)
На 7 октомври, Националниот џез оркестар ја отвора новата концертна сезона со ексклузивен концерт со Grammy добитникот Dan Pugach, еден од препознатливите автори, композитори, аранжери и тапанари на современата њујоршка џез-сцена. Под диригентската палка на Џијан Емин, оркестарот ќе ја претстави музиката на Pugach, кој во 2025 година ја освои престижната Grammy награда за Best Large Jazz Ensemble Album за албумот „Bianca Reimagined: Music for Paws and Persistence“.
Заедно со Dan Pugach во Скопје доаѓаат и специјалните гости Nicole Zuraitis (вокал) и Jonathan Saraga (труба). Zuraitis е позната вокалистка, пијанистка, аранжерка, како и долгогодишна соработничка на Pugach. Во 2024 година таа ја освои Grammy наградата за Best Jazz Vocal Album за албумот „How Love Begins“.
Saraga е трубач и композитор, познат по соработките со реномирани големи џез-ансамбли, меѓу кои Maria Schneider Jazz Orchestra, Mingus Big Band, Miguel Zenón Big Band, Afro-Latin Jazz Orchestra и John Pizzarelli Big Band.
Во Скопје, Dan Pugach ќе ја претстави музиката од наградениот албум „Bianca Reimagined: Music for Paws and Persistence“. Покрај авторските композиции од албумот, публиката ќе има можност да слушне и негови современи аранжмани на познати песни од американската џез-традиција.
✦ Скопје го добива звукот на њујоршкиот џез – во живо, со Националниот џез оркестар, Dan Pugach, Nicole Zuraitis и Jonathan Saraga. Не пропуштајте ја оваа исклучителна музичка средба.
7 октомври 2026 | 20:00 часот
Национална опера и балет