Божо Вреќо
„Принцот на севдахот“ или како што престижниот „Њујорк тајмс“ го нарекува, „човекот со ангелски глас“, Божо Вреќо, за прв пат ќе има концерт во Скопје во Македонската опера и балет на 23-ти февруари, во 19:30 часот.
Божо Вреќо е навистина последниот голем музички феномен изнедрен од плодната балканска почва и е еден од најинтересните и најпознати изведувачи во доменот на севдахот во моментов.
Се смета за клучен дел од новата генерација на автори кои не само што ја оживуваат традицијата на севдалинките, туку и успеаја да ја однесат дури и во правецот на андерграунд, што беше незамисливо досега.
Вреќо е лирски тенор кој предизвикува бројна публика и затоа настапува на концерти низ Европа и светот кои се секогаш однапред распродадени.
Неговата акапела интерпретација на севдалинките е секогаш спектакуларна. Има навистина ангелски глас, а во Скопје во февруари ќе пее песни од неговите четири албуми.