30.10.2025
„Бимхаус блуз“ (Bimhuis Blues)
Реж. Ханс Хилкема
Документарниот филм Bimhuis Blues на режисерот Ханс Хилкема (Last Date/Eric Dolphy, Jannah – New Lady in Jazz, Kid Dynamite) е живописен портрет на триесетгодишната историја на легендарниот џез клуб Бимхаус во Амстердам — место што многумина го нарекуваат „најубавата џез сцена во светот“.
Во текот на една година, Хилкема снимил повеќе од триесет часа материјал во стариот Бимхаус, кој самиот го нарекува своја „втора дневна соба“ почнувајќи од 1974 година. Од тој богат материјал произлегува 57-минутен филм исполнет со живот, музика и сеќавања, кој нè внесува во секојдневието на клубот – зад сцената, за време на проби и настапи.
Преку разговори и настапи на музичари како Карла Блеј, Бред Мелдау, Рита Рејс, Вилем Бројкер, Арчи Шеп, Рамон Вале, Шон Бергин, Грича Бима, Ханс Далфер, Ернст Рејсегер, Бени Волас, Ерик Влојманс, групата Sex Mob и легендарниот Хан Бенинк, филмот ја раскажува приказната за тоа зошто Бимхаус стана повеќе од сцена — вистински дом за џезот и неговите изведувачи.
„Бимхаус блуз„ не е само документ за едно култно место, туку и омаж за уметничката заедница што го одржува креативниот духот на џезот.