ДАРКО РУНДЕК - APOCALYPSO NOW @TAKSIRAT
Еден од најреномираните музички автори во регионот, ДАРКО РУНДЕК се враќа на ТАКСИРАТ со самостоен концерт за прослава на 20-годишнината од неговиот соло првенец „Апокалипсо“. Големиот јубилеј, ДАРКО РУНДЕК ќе го прослави со македонската публика претставувајќи го продукциски заокружениот аудио-визуелнен проект „APOCALYPSO NOW“ од истоимената турнеја со лимитиран број ексклузивни настапи во регионот! Во перформансот оплеменет со проекции, светлосни ефекти и посебна режија, Рундек го придружуваат седум одбрани музичари, со кои албумот „Апокалипсо“ го разоткрива на сцената во уникатен аудио-визуелен настан, претставувајќи ја сета интимност, убавина и раскош на неговата музика и поетика.